Braziliyada xəstəxanada müalicə alan Xose Ribeyro adlı şəxsin dünyasını dəyişdiyi açıqlanıb. Ancaq yas mərasimi zamanı adamı tabuta qoyarkən eşidilən səslər hər kəsi dəhşətə gətirib.
Manset.az-ın xarici mediaya istinadən məlumatına görə, 62 yaşlı kişi cəsəd torbasına salınaraq 5 saat morqda saxlanılıb. O, morqda tabuta qoyularkən, gözləri hərəkət edib və nəfəs səsləri gəlib. Bundan sonra kişinin sağ olduğu anlaşılıb.
Onu yenidən xəstəxanaya müalicə üçün qaytarıblar.
Lakin o, yalnız 2 gün həyata davam edə bilib. 2 gün sonra hipotermiyadan vəfat edib.
Ribeyronun ölüm şəhadətnaməsini imzalayan həkim o vaxtdan işdən çıxarılıb və hazırda cinayət iddiası ilə istintaq altındadır.
