<

Xəzər sahilllərində tapılan ölü suitilərin sayı 2500-ə çatdı- YENİLƏNDİ

20:30 - 4 Dekabr 2022

Xəzər sahilllərində tapılan ölü suitilərin sayı 2500-ə çatdı- YENİLƏNDİ

Dağıstanda Xəzər dənizinin sahillərində tapılan ölü suitilərin sayı artaraq 2500-ə çatıb.

 

Manset.az xəbər verir ki, bu barədə respublikanın Təbii Sərvətlər və Ekologiya Nazirliyinin rəsmi “Telegram” kanalı məlumat yayıb.

Məlumata görə, ölü heyvanların sayının hesablanması davam edir və göstərilən rəqəmin artması istisna olunmur.

***

Dağıstanda Xəzər sahilllərində tapılan ölü suitilərin sayı 1700-ə çatıb.

Manset.az xəbər verir ki, bu barədə bazar günü Xəzərin Ekoloji Mühafizəsi Mərkəzinin rəhbəri Zaur Qapizov məlumat verib.

Mərkəzinin rəhbəri vurğulayıb ki, tapılan ölü suitilərin sayı daha çox ola bilər. Onun sözlərinə görə, heyvanlar fırtına nəticəsində həlak olublar.

“Torlarda və ya dəriləri soyulmuş suitilərə rast gəlinməyib. Tamamilə bütöv cəmdəklərdir və onların artıq iki həftədir ki, öldükləri müəyyən olunub”, - deyə Qapizov bildirib.

O, xatırladıb ki, bütün lazımi nümunələr götürülüb.


Xəbər xətti

7 Fevral 2023

Ən son xəbərləri səhifəmizdən də izləyin