SEPAH-ın generalı, keçmiş komandir həbs edildi - FOTO

11:10 - 2 Dekabr 2022

SEPAH-ın generalı, keçmiş komandir həbs edildi - FOTO

İran İnqilab Keşikçiləri Qvardiyasının keçmiş komandirlərindən general Məhəmməd Baqir Bəxtiyarini təhlükəsizlik qüvvələri yaşadığı evdə həbs edib.

 

Manset.az xəbər verir ki, bu barədə “Azad İran” teleqram kanalı məlumat yayıb.

Bildirilib ki, təhlükəsizlik qüvvələrinin əməkdaşları generalın evinə basqın edib, onun şəxsi əşyalarını da özləri ilə aparıblar.

Məlumata görə, o, bir müddət əvvəl bir səs yazısı yayaraq Tehran hakimiyyətini Məhsa Əmininin ölümünün əsl səbəblərini gizlətməkdə günahlandırıb.

Keçmiş komandir bildirib ki, məhkəmə-tibb ekspertizanın etibarlı mənbələri 22 yaşlı gənc qızın ölümünə “kəllə sümüyünün zədələnməsi diaqnozunu” qoymaqla reallığı ört-basdır edib:

“Artıq xalqın əsas hədəfi rəhbərdir, şüarlar birbaşa ona qarşı yönəlib. Bunu başa düşün ki, xalq artıq sizi istəmir”.

Məlumata görə, İran rəsmilərini “ambisiyalı və şəxsiyyətsiz” adlandıran keçmiş komandir deyib ki, “sağlam düşüncə” bu hadisə ilə bağlı məsuliyyəti öz üzərinə götürərək üzr istəsə idi, hökumət daha az acınacaqlı nəticələrlə qarşılaşardı.


Xəbər xətti

29 Mart 2024

Ən son xəbərləri səhifəmizdən də izləyin