Bu gün Azərbaycanda Neftçilər günüdür
20 Sentyabr 2024
Qəbələdə meşə yanır: Söndürülməsi üçün iki helikopter cəlb olundu - VİDEO
18:45 - 16 Avqust 2021
Qəbələ rayonunun Solquca kəndi yaxınlığındakı mürəkkəb relyefli dağlıq ərazidə qeydə alınmış meşə yanğınının genişlənməsinin qarşısının alınması və söndürülməsi istiqamətində tədbirlər davam etdirilir.
Manşet.az xəbər verir ki, bu barədə FHN məlumat yayıb.
Bildirilib ki, ərazidə, əsasən, kol-kos və qismən ağaclar yanır.
Qeyd edək ki, Fövqəladə Hallar Nazirliyinin Dövlət Yanğından Mühafizə Xidməti, Mülki müdafiə qoşunları və Şimal-qərb Regional Mərkəzinin müvafiq qüvvələri, həmçinin Aviasiya dəstəsinin iki ədəd helikopteri yanğının söndürülməsi istiqamətində əməliyyatları davam etdirirlər.
Yanğınsöndürmə işlərində Ekologiya və Təbii Sərvətlər Nazirliyinin əməkdaşları və bir qrup yerli sakin də iştirak edir.
Relyefin mürəkkəbliyi və mütəmadi güclənən küləkli hava şəraiti ilə müşayiət olunan çətin əməliyyat şəraitinə baxmayaraq, yanğınla mübarizə tədbirləri fasiləsiz olaraq davam etdirilir.
Digər xəbərlər
Xəbər xətti
20 Sentyabr 2024
Ən son xəbərləri səhifəmizdən də izləyin