Bu gün Azərbaycanda Neftçilər günüdür
20 Sentyabr 2024
"Azərbaycanda istifadə olunan bütün vaksinlər kliniki tədqiqatlardan keçirilib" - TƏBİB
16:25 - 13 Avqust 2021
“Bütün vaksinlər də dərman vasitəsidir. Sadəcə peyvəndlər bioloji dərman vasitələri qrupuna aiddir. Bu digərlərinə nisbətən daha həssas qrupa aiddir. Çünki onun saxlanma və istifadə şəraiti fərqlidir”.
Manset.az xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) Dərman və tibb vasitələri departamentinin rəhbəri Elmin Quliyev deyib.
TƏBİB rəsmisi qeyd edib ki, koronavirus əleyhinə istifadə olunan vaksinlərin hamısı kliniki tədqiqatlardan keçirilib: “Bu da o deməkdir ki, onların təhlükəsizliyi təsdiqlənib. Sadəcə bunlar yeni vaksin növü olduğundan araşdırılması istiqamətində işlər daim davam edir. Bu tip vaksinlərin daşınması və saxlanma qaydasına xüsusi diqqət yetirilməlidir. Vaksinlərin tələb olunan şəraitdə saxlanılması üçün də ölkədə bütün lazımi tədbirlər həyata keçirilib”.
Departament rəhbəri bildirib ki, monitorinq şöbəsi dərmanları qəbul edən zaman aktlaşdırır: “Vaksin 5 gün termokonteynerdə qala bilir. Onu boşaltmaq üçün maksimum 5 dəqiqə vaxt tələb olunur. Pfizer vaksini -70 dərəcə temperatur şəraitində 6 ay saxlanıla bilər. Araşdırmalar nəticəsində təsdiqləndi ki, Pfizer vaksini 2-8 dərəcə selsidə 31 günə qədər saxlamaq mümkündür. Bu da işləri asanlaşdırdı”.
Digər xəbərlər
Xəbər xətti
20 Sentyabr 2024
Ən son xəbərləri səhifəmizdən də izləyin