<

Laçında yaralanan digər hərbçimiz də vəfat etdi - YENİLƏNDİ

15:49 - 5 Avqust 2022

Manset.az “Qafqazinfo”ya istinadən xəbər verir ki, avqustun 5-i Laçın rayonunda qaya parçasının düşməsi nəticəsində ağır xəsarət almış əsgər Əliyev Tahir Çingiz oğlu vəfat edib.

Faktı Müdafiə Nazirliyindən təsdiqləyiblər.

Qeyd edək ki, hər iki əsgərimiz xidməti döyüş tapşırığını yerinə yetirərkən həlak olduqlarına görə şəhid statusu veriləcək.

 

14:19

Avqustun 5-i Laçın rayonunda çətin relyefli ərazidə xidməti döyüş tapşırığını yerinə yetirərkən sıldırım qayalıqlardan qopan qaya parçası Azərbaycan Ordusunun müddətli həqiqi hərbi xidmət hərbi qulluqçuları əsgər Xudiyev Samir Səməd oğlu və əsgər Əliyev Tahir Çingiz oğlunun üzərinə düşüb.

Manset.az xəbər verir ki, bu barədə APA-ya Müdafiə Nazirliyindən bildirilib.

Məlumata görə, nəticədə əsgər S.Xudiyev aldığı bədən xəsarətlərindən hadisə yerində vəfat edib. Müxtəlif bədən xəsarətləri almış əsgər T.Əliyevin vəziyyəti ağır qiymətləndirilir.

Faktla bağlı cinayət işi başlanılıb, araşdırma aparılır.


Xəbər xətti

19 Avqust 2022