Birinci vitse-prezident Mehriban Əliyeva Avropa çempionatlarının mükafatçısı olan idmançıları və Dünya çempionatında qızıl medal qazanmış paraüzgüçülərimizi təbrik edib.
Manşet.az xəbər verir ki, M.Əliyeva rəsmi İnstaqram səhifəsində yazıb:
“Yeniyetmələr və böyüklər arasında yaxın günlərdə keçirilmiş qılıncoynatma, bədii gimnastika, cüdo, güləş və karate üzrə Avropa çempionatlarının mükafatçısı olan bütün idmançılarımızı, həmçinin Dünya çempionatında qızıl medal qazanmış paraüzgüçülərimizi səmimi-qəlbdən təbrik edirəm! Sizin qələbəniz mükəmməl hazırlığın, məqsədyönlülüyün və iradənin əyani sübutudur! Hamınıza möhkəm cansağlığı, sevinc və yeni nailiyyətlər arzulayıram!”.
