AKP sözçüsündən Ermənistana - Xəbərdarlıq

18:35 - 25 İyul 2021

AKP sözçüsündən Ermənistana - Xəbərdarlıq

“Ermənistan tərəfindən Kəlbəcərə həyata keçirilən hücumda bir Azərbaycan əsgəri şəhid oldu. Bu hücumu şiddətlə qınayırıq. Ermənistan təcavüzkar siyasətinə davam edir. Bu, bölgə sülhü üçün təhdiddir. Bu təcavüzkar siyasətə Ermənistan qədər Ermənistanı cəsarətləndirənlər də məsuliyyət daşıyır”.

Manset.az xəbər verir ki, bunu Türkiyənin Ədalət və İnkişaf Partiyasının (AKP) sözçüsü Ömer Çelik özünün “Twitter” səhifəsində yazıb.

O qeyd edib ki, Ermənistan bu təcavüzkar siyasətlə heç nə əldə edə bilməz:

“Ermənistan onu təşviq edənlərə aldanmasın. Bu hücumlara təşviq edənlər Ermənistana lazım olan cavab verildiyi zaman yanında durmayacaqlar”.

AKP sözçüsü əlavə edib ki, Ermənistan bu siyasətlə özünü daha çətin vəziyyətə salacaq:

“Prezidentimiz region ölkələri ilə qurulacaq mexanizmin vacibliyinə diqqət çəkdi. Ermənistanın təcavüzkarlıqdan əl çəkəcəyi təqdirdə bu mexanizmə daxil olmasının vacibliyini vurğuladı. Ermənistan bu tarixi fürsəti əldən verməməlidir.

Ermənistan Prezidentimiz və Azərbaycan Prezidenti cənab Əliyevin mesajlarını yaxşı başa düşməlidir. Əks halda, yeni problemlərlə üzləşəcək. Ermənistanın regiondakı sülhü təhlükəyə atmasına icazə verilməyəcək”.


Xəbər xətti

29 Mart 2024

Ən son xəbərləri səhifəmizdən də izləyin