<

Marmarisdəki meşə yanğını nəzarət altına alınıb – YENİLƏNİB + VİDEO

20:31 - 22 İyun 2022 - DÜNYA

 

Türkiyənin kənd təsərrüfatı və meşəçilik naziri Vahit Kirişçi Muğlanın Marmaris rayonunda baş verən meşə yanğınının böyük ölçüdə nəzarət altına alındığını bildirib.

Manşet.az xəbər verir ki, o, daxili işlər naziri Süleyman Soylu ilə birgə yanğınla mübarizəni bilavasitə bölgədən izləməyə davam edir.

Nazirin sözlərinə görə, hazırda Marmarisdə yanğınla mübarizə 20 helikopter və 14 təyyarə ilə aparılır.

Qeyd edək ki, yanğın dünən saat 20.00 radələrində başlayıb və küləyin təsiri ilə ətrafa yayılıb.

***

Türkiyənin Muğla vilayətinin turizm rayonu Marmarisin meşəlik ərazisində gecə saatlarından güclənən yanğın yaşayış yerlərinə yaxınlaşır.

Manşet.az xəbər verir ki, bu səbəblə 30 evdə insanların təxliyəsinə başlanılıb.

İnsanlar evlərini boşaltmağa və axurlarda heyvanları çıxarmağa başlayıblar.

Yanğın küləyin təsirindən geniş əraziyə yayılıb. Yaxın rayonlardan da bölgəyə yanğınsöndürən qruplar cəlb edilib.

 


Loading...

Xəbər xətti

25 İyun 2022