Zakir Həsənov Rusiya sülhməramlılarına dair tapşırıq verdi
20 Aprel 2024
BDU-da 75 nəfər professor vəzifəsinə qəbul EDİLDİ
18:27 - 22 İyun 2022
Bakı Dövlət Universitetinin (BDU) Elmi Şurasının növbəti iclası keçirilib.
Manşet.az “Report”-a istinadən xəbər verir ki, iclasda əvvəlcə BDU Elmi Kitabxanasının 2021-ci il üzrə hesabatı dinlənilib.
Kitabxananın direktoru Nigar İsmayılova Elmi Kitabxananın strukturu, əməkdaşları, kitab fondu haqqında məlumat verib. O qeyd edib ki, Elmi Kitabxananın fondunda 2 135 413 nüsxə sənəd qorunur. Kitabxana fondunun 67,4 faizini elmi, 30,5 faizini tədris ədəbiyyatı, 2,1 faizini mübadilə ehtiyat fondu təşkil edir. 2021-ci ildə kitabxana fonduna 7 204 nüsxə sənəd və 24 adda 9 982 nüsxə qəzet daxil olub. Elmi Kitabxana Azərbaycan ali məktəb kitabxanalarının metodiki mərkəzi statusunu daşıyır və 30-dan artıq ölkədaxili universitet kitabxanası, 40 xarici ölkənin 50-yə yaxın aparıcı kitabxanası ilə beynəlxalq səviyyədə əməkdaşlıq edir.
Elmi Kitabxananın elektronlaşdırılması da artıq başa çatmaq üzrədir. Yaxın vaxtlarda oxucular BDU-nun 24 saat fəaliyyət göstərən elektron kitabxanasının xidmətlərindən istifadə edə biləcəklər.
Daha sonra Elmi Şurada BDU üzrə boş olan professor vəzifələrinin tutulması üçün seçkilər keçirilib. Seçkinin nəticələrinə əsasən, BDU-nun səkkiz fakültəsi üzrə 75 nəfər professor vəzifəsinə təsdiqlənib.
Digər xəbərlər
Xəbər xətti
20 Aprel 2024
Ən son xəbərləri səhifəmizdən də izləyin