<

Xocavənddə qanunsuz olaraq müxtəlif əşyalar toplayan şəxs HƏBS EDİLDİ

13:57 - 24 May 2022

Xocavənddə qanunsuz olaraq müxtəlif əşyalar toplayan şəxs HƏBS EDİLDİ

Xocavənd Rayon Polis Şöbəsinin (RPŞ) əməkdaşları tərəfindən keçirilmiş tədbirlər nəticəsində işğaldan azad edilmiş və partlayıcı vasitələrdən tam təmizlənməmiş ərazilərdən qanunsuz olaraq müxtəlif əşyalar toplayan şəxs saxlanılıb.

 

Daxili İşlər Nazirliyinin Mətbuat Xidmətinin Bərdə regional qrupundan Manset.az-a verilən məlumata görə, Xocavənd RPŞ-nin əməkdaşları rayonun Hünərli kəndində xidmətdə olan zaman Füzuli rayon sakini Vəzir İbrahimovun idarəsində olan “VAZ-2106” markalı avtomobili nəzarət qaydasına uyğun saxlayıblar.

Avtomobilə baxış keçirilən zaman həmin ərazilərdən topladığı naqil və digər əşyalar aşkar edilib.

Faktla bağlı Xocavənd RPŞ-də adıçəkilən şəxs barəsində protokol tərtib edilərək baxılması üçün rayon məhkəməsinə göndərilib.

Qərara əsasən o, 10 gün müddətinə inzibati qaydada həbs olunub.


Xəbər xətti

19 Mart 2024

Ən son xəbərləri səhifəmizdən də izləyin