Buraxılış imtahanlarının cavabları AÇIQLANDI
19 Aprel 2024
BMT Putini Qara dənizdə limanları açmağa ÇAĞIRDI
19:04 - 13 May 2022
BMT-nin Ümumdünya Ərzaq Proqramının rəhbəri Devid Bizli Rusiya Prezidenti Vladimir Putini qlobal fəlakətin qarşısını almaq üçün Qara dənizdə Ukrayna limanlarını açmağa çağırıb.
Manşet.az xəbər verir ki, Bizli müraciətində deyib:
"Bu limanlar bağlandığı üçün dünyada milyonlarla insan öləcək. Əgər Ukrayna ilə münasibətinizdən asılı olmayaraq dünyaya simpatiyanız varsa, bu limanları açmalısınız".
O deyib ki, Ukrayna digər dövlətlərin ehtiyac duyduğu buğda da daxil olmaqla, kənd təsərrüfatı məhsulları üçün həyati əhəmiyyətli ehtiyatlara malikdir. Eyni zamanda o vurğulayıb ki, limanlar 60 gün ərzində açılmalıdır, əks halda kənd təsərrüfatına yönəlmiş Ukrayna iqtisadiyyatı iflasa uğrayacaq.
Bundan əvvəl Almaniyanın xarici işlər naziri Annalena Berbok 25 milyon ton taxılın Ukrayna limanlarında bloklandığını və ixrac edilə bilməyəcəyini bildirmişdi. Onun sözlərinə görə, Ukrayna böhranı qlobal xarakter alıb və bu, ilk növbədə ölkədən taxıl ixracının mümkün olmaması ilə bağlıdır.
Beynəlxalq Taxıl Şurasının (IGC) məlumatına görə, müharibədən əvvəl Ukrayna dünyanın dördüncü ən böyük qarğıdalı istehsalçısı və altıncı ən böyük buğda tədarükçüsü idi.
Digər xəbərlər
Xəbər xətti
19 Aprel 2024
Ən son xəbərləri səhifəmizdən də izləyin