Azərbaycanda Konstitusiya Günü qeyd olunur
12 Noyabr 2024
Emrelidən məhsuldar ötürmə, 4 komanda növbəti mərhələdə - Çempionlar Liqasında
07:37 - 15 İyul 2021
UEFA Çempionlar Liqasında I təsnifat mərhələsinə yekun vurulub.
Manset.az-ın məlumatına görə, son oyun günündə 4 qarşılaşma baş tutub.
Günün ilk matçında Qazaxıstanın “Kayrat” və İsrailin "Makkabi" (Hayfa) klubları üz-üzə gəlib. "Kayrat" rəqibini 2:0 hesabı ilə üstələyərək növbəti raunda yüksəlib.
Azərbaycan çempionu "Neftçi" ilk görüşdə olduğu kimi cavab matçında da Gürcüstanın "Dinamo" (Tbilisi) klubuna 2:1 hesabı ilə qalib gələrək II təsnifat mərhələsində Yunanıstan "Olinpiakos"una rəqib olub.
Ermənistanın "Alaşkert" komandası Uels "Konnas-Ki Nomads"ını yalnız əlavə vaxtda vurduğu qolun hesabına məğlub edə bilib.
Günün son oyununda Azərbaycan millisinin futbolçusu Mahir Emrelinin çıxış etdiyi Polşa "Legiya"sı Norveç "Budyo Qlimt"ini qəbul edib. Qarşılaşma Varşava təmsilçisinin 2:0 hesablı qələbəsi ilə bitib. Emreli görüşə start heyətdə başlayıb və 84-cü dəqiqədə əvəzlənib. 42-ci dəqiqədə onun məhsuldar ötürməsindən sonra Lucas Lima Linhares hesabı açıb. İlk matçda da rəqibini məyus edən "Legiya" növbəti mərhələdə "Flora" (Estoniya) ilə görüşəcək.
UEFA Çempionlar Liqası
I təsnifat mərhələsi, cavab oyunları
“Kayrat” (Qazaxıstan) - "Makkabi" (Hayfa, İsrail) - 2:0
İlk oyun - 1:1
"Alaşkert" (Ermənistan) - "Konnas-Ki Nomads" (Uels) - 1:0 (Əlavə vaxt)
İlk oyun - 2:2
"Neftçi" (AZƏRBAYCAN) - "Dinamo" (Tbilisi, Gürcüstan) - 2:1
İlk oyun - 2:1
"Legiya" (Polşa) - "Budyo Qlimt" (Norveç) - 2:0
İlk oyun - 3:2
Qeyd edək ki, Çempionlar Liqasında II təsnifat mərhələsinin ilk oyunları 20-21 iyulda, cavab matçları isə bir həftə sonra gerçəkləşəcək.
Digər xəbərlər
Xəbər xətti
Ən son xəbərləri səhifəmizdən də izləyin