COP29-da tarixi qərar qəbul olundu
24 Noyabr 2024
Bakı metrosunun iş rejiminə dəyişikliklər ediləcək
11:33 - 18 Mart 2022
Novruz bayramının qeyd edildiyi günlərdə "Bakı Metropoliteni" QSC-nin gücləndirilmiş iş rejiminə müvafiq dəyişikliklər ediləcək.
Manset.az BAKU.WS-ə istinadən xəbər verir ki, 19-22 mart tarixlərində şəhər mərkəzinə, bayram gəzintisi məkanları və müxtəlif tədbirlərin keçiriləcəyi məkanlara yaxın stansiyalarda əlavə işçi qüvvəsi cəlb edilməklə növbətçilik cədvəli nəzərdə tutulub.
Sərnişin axını və sıxlığı nəzərə alınmaqla, bayram günlərində qatarların optimal hərəkət qrafikinə xüsusi diqqət yetiriləcək. Bu məqsədlə “Nərimanov” elektrik deposunda ehtiyat qatarlar saxlanılaraq zərurət yaranacağı təqdirdə xəttə çıxarılacaq.
Sonda qeyd edək ki, martın 19-20-də metropolitenin “İçərişəhər” stansiyasında sərnişinlərə Novruz bayramına həsr edilmiş zəngin şou-proqram təqdim ediləcək. Bundan əlavə, iki gün ərzində 4 stansiyada konsert proqramı təşkil olunacaq. Mart ayının 19-22-də “İçərişəhər” stansiyasında retro vaqonlardan ibarət qatar nümayiş etdiriləcək.
Digər xəbərlər
Xəbər xətti
24 Noyabr 2024
Ən son xəbərləri səhifəmizdən də izləyin