“Nəsildən nəsilə ötürülən qan yaddaşımız” adlı tədbir keçirilib

“Nəsildən nəsilə ötürülən qan yaddaşımız” adlı tədbir keçirilib - FOTOLAR

20:40 - 25 Fevral 2022

25 fevral 2022-ci il tarixində Qaradağ rayon Heydər Əliyev Mərkəzində Xocalı faciəsinin 30-cu ildönümünə həsr olunmuş “Nəsildən nəsilə ötürülən qan yaddaşımız” adlı tədbir keçirilmişdir. Tədbirdə Milli Məclisin deputatı Aydın Hüseynov, YAP Qaradağ rayon təşkilatının sədri Qafar Əliyev, Qaradağ rayon Heydər Əliyev Mərkəzinin direktoru Leyla Nəcəfova, Qaradağ rayon Gənclər və İdman idarəsinin rəisi Elçin Abbasov və digər qonaqlar iştirak ediblər.

Manşet.az xəbər verir ki, tədbirdə ilk öncə Azərbaycan Respublikasının Dövlət Himni səsləndirilib və daha sonra şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan Milli Məclisin deputatı Aydın Hüseynov çıxışında bildirib ki: "Xocalıda axıdılan qanlar hamısı ermənilərin üzərindədir. Azərbaycana o vaxt rəhbərlik edənlər bacarıqsız, səriştəsiz idilər, qabiliyyətləri yox idi, ümumiyyətlə, vətənpərvərlikdən uzaq təsadüfi kadrlar idi. Dövlətə rəhbərlik edə bilmirdilər, xalqa sahib çıxa bilmədilər. Ulu Öndərimiz Heydər Əliyev hakimiyyətə gələndən sonra ədalət bərpa olundu. Onun uzaqgörən siyasətini bu gün Prezidentimiz İlham Əliyev uğurla davam etdirir. İnanıram ki, biz Ali Baş Komandanımızın ətrafında yumruq kimi birləşərək böyük nailiyyətlər əldə edəcəyik".

Ardınca tədbirin aparıcısı Arzu İbrahimova Xocalı soyqırımı haqqında məlumat verdi: "Xocalı soyqırımı Azərbaycan tarixinin ən dəhşətli və faciəli səhifələrdən biridir. Azərbaycanın ümummilli lideri Heydər Əliyev Xocalı soyqırmının 10 illiyi münasibətilə Azərbaycan xalqına müraciətində qeyd etmişdir: "Bu amansız və qəddar soyqırım aktı insanlıq tarixinə ən qorxulu kütləvi terror aktlarından biri kimi daxil oldu".

1992-ci il fevral ayının 25-dən 26-a keçən gecə Ermənistan hərbi birləşmələri 7 min əhalisi olan Xocalı şəhərində soyqırımı aktı törətdi. Ermənistan ordusunun şəhərə hücumu zamanı burada yalnız 3 minə yaxın insan qalmışdı. Çünki, 4 aydan artıq zaman ərzində blokadada olduğu üçün əhalinin xeyli hissəsi şəhərdən çıxmaq məcburiyyətində qalmışdı. Xocalı soyqırımı zamanı 613 nəfər ödürüldü, 1000 nəfər müxtəlif yaşlı dinc sakin aldığı güllə yarasından əlil oldu. 106 nəfər qadın, 63 azyaşlı uşaq, 70 qoca öldürüldü. 8 ailə tamamilə məhv edildi, 25 uşaq hər iki valideynini, 130 nəfər valideyinlərindən birini itirdi. Faciə baş verən gecə 1275 nəfər dinc sakin girov götürüldü, onların 150-sinin taleyi indi də məlum deyil".

Sonra isə Heydər Əliyev Mərkəzinin direktoru Leyla Nəcəfova çıxış edib. Bildirib ki: "Xocalı soyqırımı bəşər tarixində ən dəhşətli faciələrindən biridir. Tarixinin müxtəlif dönəmlərində insanların kütləvi qətli ilə nəticələnən faciələr, soyqırımlar çox olıb. Bu qətliamlar arasında erməni şovinizminin törətdiyi agılasığmaz Xocalı soyqırımı dəhşəti ilə fərqlənir. Ermənilərin Xocalı şəhərini hədəfə almaqın məqsədi bir tərəfindən Qarabağın dağlıq hissəsində azərbaycanlılardan ibarət olan strateji əhəmiyyyətli manevri aradan qaldırmaq idisə, digər tərəfdən ümümiyyətlə, Xocalını yer üzündən birdəfəlik silmək məqsədi idi. Çünki, Xocalı elə bir yaşayış məskəni idi ki, o, Azərbaycan tarixinin qədim dövrlərindən müasir dövrə qədər tarix və mədəniyyət ənənələrini özündə əks etdirirdi".

Daha sonra YAP Qaradağ rayon təşkilatının sədri Qafar Əliyev və Qaradağ rayon Gənclər və İdman idarəsinin rəisi Abbasov Elçin çıxışları ilə tədbiri davam etdirdilər.

Tədbirin rəsmi hissəsinin sonunda Xocalı faciəsini əks etdirən videoçarx nümayiş etdirildi.

Bununla belə dəyirmi masa arxasında keçirilən tədbirin rəsmi hissəsi sona çatdı. Tədbirin bədii hissəsində Bakı Uşaq Gənclər teatrının şəhidlərimizin əziz xatirəsinə həsr olunmuş kompozisiyası nümayiş etdirildi.

Kompozisiya rejissor Könül Şahbazovanın rəhbərliyi və aktyor heyyəti tərəfindən təqdim olundu.

Daha sonra Qaradağ rayon məktəbliləri tərəfindən şeirlər səsləndirildi.

Tədbirin sonunda Xocalı faciəsini əks etdirən şəkillər sərgiyə baxmağa bütün tədbir iştirakçıları dəvət edilib bununla belə tədbirin rəsmi və bədii hissəsi başa çatıb.