Şəhərin mərkəzinə getmək istəyənlər bu yollarla daxil ola bilər
2 Noyabr 2024
"Vəkillər Kollegiyasının əsas məqsədlərindən biri də formal vəkilliklə mübarizədir"
22:58 - 17 Fevral 2022
"Bu gün bizim əsas məqsədlərimizdən biri də formal vəkilliklə mübarizə aparmaqdır".
Manset.az xəbər verir ki, bunu jurnalistlərə açıqlamasında Vəkillər Kollegiyasının sədri Anar Bağırov deyib.
O bildirib ki, cəmiyyətin vəkilliyə olan inamının artırılması üçün ardıcıl işlər görülür.
"Ötən gün Vəkillər Kollegiyası Rəyasət Heyəti və İntizam Komissiyasının üzvlərinin, o cümlədən 100-dən çox vəkil bürosunun rəhbərinin iştirakı ilə müşavirə keçirdik. Onlayn formatda keçirilən müşavirədə dövlət hesabına göstərilən hüquqi yardım sahəsində mövcud olan problemləri müzakirə etdik. Uzun illərdir ki, bu sahədə problemlər mövcuddur və onların həlli diqqət mərkəzimizdədir. Hesab edirəm ki, həyata keçirilən tədbirlər bu sahədə neqativ halların qarşısını alacaq. Məqsədimiz odur ki, vətəndaşlara dövlət hesabına göstərilən hüquqi yardım keyfiyyətli olsun. Ona görə də dünənki iclasda bu sahədə nöqsanların daha dəqiq araşdırılması və aradan qaldırılması üçün monitorinq qrupunun yaradılmasına qərar verdik. Çalışırıq ki, vəkillik beynəlxalq standartlara cavab versin və insanların vəkilliyə inamı artsın", - deyə A.Bağırov qeyd edib.
Digər xəbərlər
Xəbər xətti
2 Noyabr 2024
Ən son xəbərləri səhifəmizdən də izləyin