Azərbaycanda 12 yaşlı qız evləndirildi - 2 il sonra ikinci hamiləliyini yaşadı
25 Noyabr 2024
Bakı Limanında yükaşırma 15% artıb
10:42 - 9 Fevral 2022
2021-ci ildə “Bakı Beynəlxalq Dəniz Ticarət Limanı” QSC-də (Bakı Limanı) 5,6 milyon ton yük aşırılıb ki, bu da 2020-ci illə müqayisədə 14,6% çoxdur.
Manset.az bu barədə səhmdar cəmiyyətinə istinadən xəbər verir.
Məlumata görə, ötən il quru yük aşırılması əvvəlki ilə nisbətən 66% artaraq 1,183 milyon ton, konteyner daşınması isə 11,6% artaraq 45 025 TEU olub. Son nəticədə proqnoz 104% həcmində icra edilib.
Ümumi yükaşırmanın 5,1 milyon tondan çoxu və yaxud 92,7%-i tranzit yüklərin payına düşüb.
Digər ciddi artımlardan biri isə Dübəndi neft terminalında qeydə alınıb. Terminalla aşırılan neft və neft məhsullarının həcmi 2,3 dəfə artaraq 1,1 milyon tonu keçib.
Koronavirus (COVID-19) pandemiyası ilə bağlı sərhədlərdə məhdudiyyətlərin davam etməsi beynəlxalq nəqliyyat hərəkəti istiqamətlərində də müəyyən dəyişikliklərə səbəb olub. Hesabat dövründə irihəcmli nəqliyyat vasitələrinin daşınmasında 8,8% azalma olub. Bakı Limanı vasitəsi ilə 39 431 ədəd (TIR) daşınıb ki, bunlardan da 23 476 (59,5%) ədədi Bakı-Türkmənbaşı-Bakı, 15 955 (40,5%) ədədi isə Bakı-Kurık-Bakı istiqamətində hərəkət edib.
Bərə terminalında vaqon aşırılmasında isə 18,7% azalma müşahidə edilib. Bakı Limanı vasitəsilə daşınan vaqonların sayı 30 426 ədəd olub ki, bu vaqonlardan da 20 867 ədədi Bakı-Türkmənbaşı-Bakı (68,6%), 9 559 vaqon isə Bakı-Kurık/Aktau-Bakı (31,4%) istiqamətində hərəkət edib. 2020-ci illə müqayisədə ötən il iritonnajlı (TIR) nəqliyyat vasitələrinin daşınmasında azalma müşahidə edilsə də, 2019-cu illə müqayisədə 17%-lik artım qeydə alınıb. Yuxarıda qeyd edilən sahələr üzrə faiz göstəricilərində müəyyən azalma qeydə alınsa da, ümumi yükaşırmanın həcmində müsbət tendensiya davam edib.
Digər xəbərlər
Xəbər xətti
25 Noyabr 2024
Ən son xəbərləri səhifəmizdən də izləyin