Bu gün Azərbaycanda Neftçilər günüdür
20 Sentyabr 2024
Planetin ən varlı adamı kosmosa uçur - VİDEO
09:01 - 8 İyun 2021
Dünyanın ən zəngin insanı, hazırda Forbesin milyarderlər siyahısında liderlik edən Amazon şirkətinin rəhbəri Ceff Bezos iyulun 20-də kosmosa uçacağını elan edib.
Marja xəbər verir ki, bir nömrəli milyarder bugünkü açıqlamasında öz şirkəti Blue Origin-in kosmosa göndərəcəyi ilk sərnişinlər sırasında yer alacağını bildirib.
Bu səyahətdə Bezosla birgə onun qardaşı Mark və yerlərdən biri uğrunda keçirilən auksionun qalibi olan şəxs iştirak edəcək. Bezosun kosmosa uçacağını bəyan etməsindən öncə auksion qiyməti 2,8 milyon dollar təşkil edirdi.
“5 yaşımdan bəri kosmosa səyahət etməyi arzulamışam. İyulun 20-də nəhayət ki, qardaşımla bu səyahətə çıxıram. Ən yaxşı dostumla ən böyük macəra!” Ceff Bezos Instagram hesabında paylaşdığı videoda bildirib.
Bezosun hələ 2000-ci ildə qurduğu Blue Origin şirkəti tərəfindən kosmik turizm üçün nəzərdə tutulan və xüsusi kapsulu kosmosun kənarına çatdıracaq daşıyıcı raket New Shepard artıq sərnişinsiz formada 10-dan çox sınaq uçuşunu uğurla tamamlayıb. Eyni anda 6 sərnişinin kosmosa səyahətə göndərilməsi planlaşdırılır. Əvvəlki uçuşlarda kapsul 100 km-dən artıq hündürlüyə qalxa bilib.
Kapsulun iri pəncərələri sərnişinlərə kosmosda bir neçə dəqiqə qalarkən ətrafı rahatlıqla seyr etməyə imkan verir. Daşıyıcı raket kapsulu zəruri hündürlüyə çatdırdıqdan sonra ayrılır və yaxınlıqdakı beton döşəməyə qayıdır. Kapsul isə paraşütlərin köməyi ilə Yerə qayıdır.
Xatırldaq ki, iyulun 20-si ABŞ-ın Apollon-11 kosmik gəmisinin Aya ilk insanı - kosmonavt Nill Armstronqu çatdırmasının 52 ili tamam olur.
Digər xəbərlər
Xəbər xətti
20 Sentyabr 2024
Ən son xəbərləri səhifəmizdən də izləyin