COP29 zolaqlarına girənləri bu cərimələr gözləyir - Qadağa qüvvəyə mindi
1 Noyabr 2024
Çörək zavodundakı dəhşətin yeni təfərrüatı: İşə yeni başlamışdı, rəfiqəsi ölümünə səbəb oldu
17:26 - 11 Yanvar 2022
Bir neçə gün əvvəl ölkə ictimaiyyəti çörək zavodunda fəhlə işləyən qadının faciəli şəkildə ölüm xəbərinə sarsıldı.
Dəhşətli hadisə yanvarın 7-si saat 16 radələrində paytaxtın Nərimanov rayonu, İ.Abışov küçəsində yerləşən “İsrafiloğlu” MMC-yə məxsus çörək zavodunda qeydə alınıb. “Nur” çörək zavodu kimi tanınan bu müəssisədə çalışan 50 yaşlı Mətanət Həsənova zavodun istehsalat sexində xəmir qarışdıran qurğunun alt hissəsini təmizləyərkən həmin qurğunun digər işçi tərəfindən ehtiyatsızlıqdan işə salınması nəticəsində qolu qarışdırıcının arasında qalıb və almış olduğu xəsarətlərdən hadisə yerində ölüb.
Manşet.az oxu.az-a istinadən xəbər ki, mərhum Mətanət Həsənova çörək zavodunda yeni işçi imiş. O, 5-6 ay imiş ki, bu zavodda işə başlayıbmış.
M.Həsənovanın ölümünə səbəb olan digər xadimə (həmin xanımın adı açıqlanmır) ilə münasibətləri əla olub, onlar rəfiqə imiş. Hətta onlar o qədər yaxın olublar ki, həmişə növbətçilik saatlarında eyni vaxtda çalışmaq istəyirmişlər.
Faciəyə səbəb olan qadın hazırda sarsılmış vəziyyətdədir. Hazırda o, müstəntiq tərəfindən dindirilir.
Hadisə zamanı orada olan və faciəni gözləri ilə görən şəxslərə isə bir neçə gün işə gəlməmək icazəsi verilib. Buna səbəb onların sarsıntı yaşamasıdır.
Xatırladaq ki, faktla bağlı Nərimanov Rayon Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb. Hazırda iş üzrə istintaq davam etdirilir.
Digər xəbərlər
Xəbər xətti
1 Noyabr 2024
Ən son xəbərləri səhifəmizdən də izləyin