Konqo Demokratik Respublikasında leysan yağışların səbəb olduğu daşqın və torpaq sürüşmələri nəticəsində həyatını itirənlərin sayı 72-yə yüksəlib.
Manset.az xəbər verir ki, paytaxt Kinşasada baş verən təbii fəlakət nəticəsində azı 170 nəfər xəsarət alıb.
Daşqınlar 11 xəstəxanaya ciddi ziyan vurub, 5000-dən çox sakin isə evlərini tərk etmək məcburiyyətində qalıb.
Hazırda fəlakət bölgələrində yardım və bərpa işləri davam etdirilir. Səlahiyyətlilər isə vətəndaşları ehtiyatlı olmağa və verilən rəsmi xəbərdarlıqlara əməl etməyə çağırır.
