İsrail Qəzzanın Əl-Əhli xəstəxanasındakı HAMAS-ın Komanda və İdarəetmə Mərkəzinə hücum edib.
Manset.az xəbər verir ki, bu barədə ordunun mətbuat xidməti məlumat yayıb.
Məlumatda bildirilib ki, hərəkat bu kompleksdən İsrail mülki əhalisinə və əsgərlərinə qarşı terror hücumları planlaşdırmaq və həyata keçirmək üçün istifadə edib.
"HAMAS terrorçuları bu kompleksdən İsrailin mülki əhalisinə və əsgərlərinə qarşı terror hücumlarını planlaşdırmaq və həyata keçirmək üçün istifadə ediblər. Zərbədən əvvəl dinc əhaliyə və xəstəxana kompleksinə dəyən zərərin azaldılması üçün tədbirlər görülüb, o cümlədən qabaqcadan xəbərdarlıqlar, dəqiq döyüş sursatlarından istifadə və havadan müşahidə", - İsrail ordusunun bəyanatında deyilir.
