İspaniyanın "Real Madrid" klubunun gənc futbolçusu Rodriqo İngiltərənin Çelsi klubunun diqqətini çəkib.
Manset.az xəbər verir ki, London təmsilçisi braziliyalı ulduzun transferi üçün rekord məbləğ ödəməyə hazırdır. Klub futbolçunun transferi üçün 120 milyon avro təklif edir.
Əgər bu transfer gerçəkləşərsə, Çelsi tarixinin ən baha ikinci transferi olacaq və dünya futbolu tarixində isə, Eden Hazard və Qrizman ilə birgə, ən baha 7-ci transfer kimi qeydə alınacaq.
Həmçinin, Rodriqonun transferi, "Real Madrid"in Ronaldonu Yuventusa sataraq əldə etdiyi 117 milyon avro ilə müəyyən etdiyi rekorddan da yüksək ola bilər.
