"Görünən odur ki, Ermənistan hələ də Azərbaycanla münasibətlərində səmimiyyət ortaya qoya bilmir. Bir tərəfdən sülh istəyir, digər tərəfdən isə hərbi təxribatlar törədir və mövcud olmayan məsələləri siyasi gündəmə gətirir. Biz belə bir qonşu ilə münasibətdəyik".
Bu sözləri Manset.az-a açıqlamasında deputat Aydın Mirzəzadə deyib.
Deputat bildirib ki, Azərbaycan sülh müqaviləsini yalnız Ermənistan konstitusiyasını dəyişib, ərazi iddialarını geri götürüb və Minsk qrupunu ləğv etdikdən sonra imzalayacaq:
"Amma hesab edirsə ki, bu yanaşma ilə Azərbaycanı suveren hüquqlarından imtina etməyə məcbur edəcək, yanılır. Əks halda, imzalanan sülh müqaviləsi gələcək nəsillər üçün 1988-ci il tipli hadisələrə yol aça bilər ki, bu da qəbuledilməzdir. Azərbaycan buna heç zaman getməyəcək".
Seyranə Quliyeva
