Hikmət Hacıyevə ağır itki
4 Aprel 2025
Süni intellekt bu peşələri sıradan çıxarır - AÇIQLAMA
15:50 - 3 Aprel 2025
"Süni intellektin inkişafı bir çox peşələrə təsir göstərir, lakin bu təsir hansı müstəvidə baş verdiyi peşədən asılı olaraq dəyişir. Məsələn, peşələrdə ehtiyacın olmaması, o peşələrdə çalışan insanların sayının azalması və həmin peşələrin modifikasiyası ehtiyacı yaranır. Məsələn, əvvəl bir iş araşdırması, kargüzarlıq şöbəsində 10 nəfər işləyirdisə, bu rəqəm 2 nəfərə azala bilər. Və ya ya da proqramçıların sayı azala bilər".
Bu sözləri Manset.az-a açıqlamasında Azərbaycan İnformasiya və Kommunikasiya Texnologiyaları Sənayesi Assosiasiyası İdarə Heyətinin sədri Elvin Abbasov deyib.
O bildirib ki, süni intellekt insanların iş yükünü azaldır:
"İnsanlar peşəsini yerinə yetirərkən süni intelellekt onlara yaxşı bir alət kimi işdə dəstək olur. Bu da fərdin işlə bağlı münasibətlərini yaxşılaşdırmaq, biliklərini artırmaqda süni intellekt ona dəstək olur, imkanların avtomatlaşdırılmasında kömək edir. Həmçinin, tədqiqatların daha sürətli əldə edilməsində də süni intellekt faydalı ola bilər. Bildirmək istəyirik ki, süni intellekt hələ heç bir peşəni aradan qaldırmır. Çünki süni intellekt insan nəzarəti altında istifadə olunur. Buna görə də heç bir peşəni yox etmir, sadəcə olaraq, eyni peşə üzrə işləyən 10 nəfəri 5-ə, 4-ə, hətta 3-ə qədər azalda bilər.
Deyə bilərik ki, süni intellekt ən yaxşı tərcümə işini bacarsa da, bu gün tərcüməçilərə daha çox ehtiyac olduğunu görürük. Bu, dünya ölkələri ilə münasibətlərin daha sıx olduğu bir dövrdə yaşamağımızla bağlı ola bilər. Amma nəticə etibarilə, tərcümə işlərini süni intellekt yaxşı bacardığı halda bu işi əlimizdən ala bilmir. Digər tərəfdən, bəzi peşələr yavaş-yavaş öz aktuallığını itirə bilər. Məsələn, bunlardan biri korrektordur. Bildiyiniz kimi, qəzetlərdə və media orqanlarında korrektorlara ehtiyac var idi. Lakin artıq korrektorluq süni intellekt üçün çox sadə bir məsələdir. Məsələn, korrektor kimi peşələr tamamilə ləğv oluna bilər".
Seyranə Quliyeva
Digər xəbərlər
Xəbər xətti
4 Aprel 2025
Ən son xəbərləri səhifəmizdən də izləyin