Dövlət agentliyində ƏMƏLİYYAT – Vəzifəli şəxslər saxlanıldı
3 Aprel 2025
Atəşkəsin pozulması müharibə xəbərdarlığıdır? - AÇIQLAMA
11:59 - 2 Aprel 2025
"Ermənistan özünü sülh göyərçini kimi göstərmək istəsə də, gerçəkdə sürətlə silahlanır və müharibəyə hazırlaşır. Son günlər sərhədimizdə baş verən təxribatlar, Ermənistanın müharibəyə hazırlıq səviyyəsini yoxlamaq və çirkin niyyətlərindən əl çəkmədiyini göstərmək məqsədini daşıyır. 9 il əvvəl, 2 aprel tarixində, Ermənistan təxribatlarını genişləndirmişdi. Lakin bu təxribat cəhdləri Azərbaycan Ordusu tərəfindən ciddi cavabla qarşılanmış və bir neçə strateji yüksəkliyimizin azad edilməsi ilə nəticələnmişdi. Həmçinin, Azərbaycan Ordusu öz ərazilərini işğaldan azad etməyə hazır olduğunu sübut etmişdi".
Bu sözləri Manset.az-a açıqlamasında deputat Azər Badamov deyib.
O bildirib ki, yenə də Ermənistan təxribata əl atır və atəşkəsi pozaraq vəziyyəti gərginləşdirir:
"Əgər bu təxribatlar davam edərsə, cavabımız daha sərt olacaq və onlar ağır nəticələrlə üzləşəcəklər. Bu baxımdan, Ermənistan hakimiyyəti yaxın tarixdə törətdikləri təxribatların hansı nəticələrə gətirib çıxardığını düşünməli və sonra atəşkəsi pozmaqla məşğul olmalıdır. Müharibə ehtimalı ilə bağlı subyektiv fikrim isə ondan ibarətdir ki, Ermənistan nə qədər silahlanarsa da, ölkəmizə hücum etməyə cürət etməz. Çünki onlar Azərbaycan Ordusunun gücündən xəbərdardırlar.
Atəşkəsin pozulması, Ermənistanın hələ də çirkin niyyətlərindən əl çəkmədiyini nümayiş etdirir. Bəli, ermənilər öz mifik xəyallarında qala bilərlər. Amma gerçəklikdə Azərbaycan diktə edir və Ermənistan bizim iradəmizə uyğun hərəkət etməyə məcburdur".
Seyranə Quliyeva
Digər xəbərlər
Xəbər xətti
3 Aprel 2025
Ən son xəbərləri səhifəmizdən də izləyin