Hava şəraiti ilə bağlı XƏBƏRDARLIQ
18 Mart 2025
Türkiyə bu ölkədən rekord həcmdə maye qaz aldı
20:50 - 17 Mart 2025
Yanvarda İran Türkiyəyə qaz tədarükünü 5 dəfə azaldıb.
Manset.az Eurostat və Beynəlxalq Enerji Agentliyinin hesabatına istinadən xəbər verir ki, ay ərzində İrandan Türkiyəyə cəmi 186 milyon kubmetr qaz çatdırılıb. Bir il əvvəl bu həcm 871 milyon kubmetr olmuşdu.
Yanvarda həmçinin Türkiyəyə Azərbaycandan qaz tədarükü 2024-cü ilin yanvar ayı ilə müqayisədə 9 faiz azalaraq 795 milyon kubmetr olub. Yalnız Rusiya qazının tədarükü stabil olub - 2,781 milyard kubmetr.
Ölkə bu istilik mövsümünü su elektrik enerjisi istehsalı resurslarının çatışmazlığı şəraitində yaşayır - yanvarda su elektrik stansiyalarının istehsalı yarıdan çox azalıb, problem hələ də davam edir. Elektrik enerjisi istehsalı üçün qazın digər alternativləri - kömür və ya külək sistemi effektiv şəkildə tarazlaşdırmağa qadir deyil. Nəticədə qazla elektrik enerjisi istehsalı iki dəfədən çox artıb.
Ölkə qaz tədarükü və alternativ mənbələrdən hasilatdakı çatışmazlıqları spot bazarda LNG alışını artırmaqla kompensasiya edir. Yanvarda 2,656 milyard kubmetr(2,043 milyon ton) belə alış həyata keçirilib. Bu, bir il əvvəlkindən 27 faiz çoxdur. Əsas tədarükçülər ABŞ (1,2 milyon ton) olub. Bundan başqa, Əlcəzair, Nigeriya və Ekvatorial Qvineyadan da maye qaz alınıb.
Fevralda da ölkənin enerji sektorunda yanvar ayı tendensiyaları davam edib. Enerji sektorunda qazdan istifadənin həcmi və onun ölkəyə idxalı yüksək səviyyədə olub.
Yazın gəlişi ilə qaza tələbat azalmağa başlayıb - martın 13-də Türkiyədə yeraltı anbarların doldurulmasına start verilib. Yeraltı anbarlara ötən il toplanan 5 milyard kubmetr qazın 2.8 milyardı qalıb.
Digər xəbərlər
Xəbər xətti
18 Mart 2025
Ən son xəbərləri səhifəmizdən də izləyin