Kanada ölkənin şimal və Arktika bölgələrində İqaluit, İnuvik və Yellowknife-də üç logistik baza yaradacaq.
Manset.az xəbər verir ki, bu barədə Kanada Milli Müdafiə Departamenti məlumat yayıb.
"Kanada növbəti 20 il ərzində şimal döyüşə dəstək mərkəzləri şəbəkəsinin yaradılması üçün 1,87 milyard dollar vəsait ayırıb. Təyyarə zolaqları, logistik qurğular və avadanlığın daxil olduğu bu qovşaqlar Kanada Silahlı Qüvvələrinə Kanadanın suverenliyini daha yaxşı qorumağa imkan verəcək".
Nazirlik izah edib ki, belə geniş qovşaqlar şəbəkəsi Arktikada hərbi əməliyyatlara dəstəyi gücləndirəcək. Nazirlik ölkənin Silahlı Qüvvələri ilə birlikdə bu cür mərkəzlər üçün yeni yerlərin axtarışını davam etdirir.
