Netanyahu İrana hücumun təfərrüatlarını açıqladı
19 Noyabr 2024
Paşinyan Qarabağın Azərbaycana məxsus olduğunu etiraf etdi
12:23 - 26 Noyabr 2021
Ermənistanın Baş naziri Nikol Paşinyan Soçidə üçtərəfli görüş ərəfəsində Qarabağın Azərbaycana məxsus olduğunu etiraf edib.
Manset.az “Hraparak” qəzetinə istinadən xəbər verir ki, hökumət başçısı ölkəsinin Zəngəzur icmalarının rəhbərləri ilə görüşüb.
N.Paşinyan görüşdə İkinci Qarabağ müharibəsindən sonra bölgədə yaranmış durumdan danışıb.
“Biz otuz il özümüzü aldatdıq və nəhayət, indi baş verənlər oldu”, - Baş nazir vurğulayıb.
O bildirib ki, Ermənistan Zəngəzurdan keçib Naxçıvana gedən yolu bağlaya bilməz. “Çünki, Azərbaycan Prezidenti İlham Əliyev buna hərbi yolla nail olmağa çalışacaq. Bizim isə qarşıdurma üçün resursumuz yoxdur”.
Qeyd edək ki, bu gün Soçidə Azərbaycan Prezidenti İlham Əliyev, Rusiyanın dövlət başçısı Vladimir Putin və Ermənistanın Baş naziri Nikol Paşinyan arasında görüş keçiriləcək. V.Putinin təşəbbüsü ilə keçiriləcək görüş 2020-ci il noyabrın 10-da imzalanan üçtərəfli bəyanatın birinci ildönümünə həsr edilib.
Görüşdə sabitliyin güclənməsi istiqamətində atılacaq addımlar və Qarabağda dinc həyatın bərqərar olmasına dair məsələlər müzakirə ediləcək.
Digər xəbərlər
Xəbər xətti
19 Noyabr 2024
Ən son xəbərləri səhifəmizdən də izləyin