Pekin Vaşinqtonla ticarət və iqtisadi məsələləri məsləhətləşmələr yolu ilə həll etməyə hazır olduğunu bildirir.
Manset.az-ın əldə etdiyi məlumata görə, bunu brifinqdə Çin Ticarət Nazirliyinin rəsmi nümayəndəsi He Yadonq ABŞ prezidenti Donald Trampın Çinlə yeni ticarət sazişi bağlamağa hazır olması barədə sözlərini şərh edərkən deyib.
"Çin Ticarət Nazirliyi amerikalı həmkarları ilə əlaqə saxlayır. Çin ABŞ-nin birtərəfli tarif tədbirlərinə qəti şəkildə qarşı çıxır. Onun qanuni hüquq və maraqlarını qətiyyətlə müdafiə edir. Biz məsələləri dialoq və məsləhətləşmələr yolu ilə həll etməyə hazırıq".
Bundan əvvəl Donald Tramp Çinlə yeni ticarət sazişinin bağlanmasının mümkünlüyünə əminliyini ifadə edib və Çin prezidenti Si Cinpinin ABŞ-yə səfər edə biləcəyini bildirib.
Fevralın 1-də Tramp Kanada, Çin və Meksikadan gələn mallara daha yüksək tariflər tətbiq edən sərəncam imzalayıb.
