Azərbaycanda dəhşətli qəza - Sürücü son anda belə xilas edildi - VİDEO

14:40 - 25 Noyabr 2021

Azərbaycanda dəhşətli qəza - Sürücü son anda belə xilas edildi - VİDEO

Kürdəmir rayonu, Sığırlı kəndinin ərazisində yol-nəqliyyat hadisəsi baş verib.

 

Manşet.az xəbər verir ki, bu barədə Fövqəladə Hallar Nazirliyi ( FHN ) məlumat yayıb.

Bildirilib ki, qəza bu gün səhər saatlarında baş verib.

Məlumat əsasında FHN-in Dövlət Yanğından Mühafizə Xidmətinin Kürdəmir rayon Yanğından Mühafizə Hissəsinin yanğınsöndürən-xilasediciləri dərhal hadisə yerinə cəlb edilib.

Hadisə yerində əməliyyat şəraiti qiymətləndirilərkən, “KamAZ“ markalı yük avtomobili ilə “Mercedes-Benz Atego” markalı yük avtomobilinin toqquşması nəticəsində yol-qəza hadisəsinin baş verdiyi və qəzaya uğramış “Mercedes-Benz Atego” markalı avtomobilin sürücüsü 1988-ci il təvəllüdlü Xalayev Elvin Vaqif oğlunun həmin nəqliyyat vasitəsinin içərisində sıxılı vəziyyətdə qaldığı müəyyən olunub.

Yanğınsöndürən-xilasedicilər xüsusi xilasetmə avadanlıqlarından istifadə etməklə vətəndaşı avtomobilin içərisindən çıxararaq xilas ediblər.

Vətəndaş təcili tibbi yardım briqadasına təhvil verilib.

Hadisə ilə əlaqədar müvafiq qurumlar tərəfindən təhqiqat aparılır.


Xəbər xətti

29 Mart 2024

Ən son xəbərləri səhifəmizdən də izləyin