Rusiya prezidentinin mətbuat katibi Dmitri Peskov Rusiya ilə ABŞ arasında məhbus mübadiləsinin mümkün davam edəcəyini açıqlayıb.
Manset.az-ın əldə etdiyi məlumata görə, o bildirib ki, bu mövzu ikitərəfli münasibətlərimizin gündəliyindədir: "Ona görə də bunu istisna etmək olmaz"
Onun sözlərinə görə, dövlətlər bütün parametrlər üzrə dialoqu bərpa etmək qərarına gəliblər.
Fevralın 11-də 2021-ci ilin avqustunda Şeremetyevo hava limanında saxlanılan amerikalı Mark Vogel Rusiyada həbsdən azad edilib. Onun üzərindən marixuana aşkar edilib. 2022-ci ildə məhkəmə onu narkotik qaçaqmalçılığına görə 14 il həbs cəzasına məhkum edib. Vogelin azadlığa buraxılması Rusiya prezidenti Vladimir Putinlə ABŞ prezidenti Donald Tramp arasında telefon danışığı ərəfəsində baş verib. Dialoq zamanı dövlət başçıları vətəndaşların mübadiləsi ilə bağlı məsələlərə toxunublar. Prezident Tramp daha sonra Vladimir Putinə cənab Vogelin azad edilməsinə görə təşəkkür edib.
