Avropa Ədalət Məhkəməsi Polşanın iddiasını rədd edib və ölkənin qanunlarını Aİ qaydalarına uyğunlaşdırmaq üçün məhkəmənin qərarına əməl etmədiyinə görə 320 milyon avrodan çox cərimə ödəməli olduğunu təsdiqləyib.
Manset.az bu barədə xarici mediaya istinadən xəbər verir.
“Aİ Ədalət Məhkəməsi təsdiq edir ki, Polşa məhkəmənin təyin etdiyi 320 milyon 200 min avro cərimə ödəməlidir”, - bəyanatda deyilir.
Polşa məhkəmənin qərarına əməl etmədiyinə görə ona tətbiq edilən 2022-ci ildən 2023-cü ilə qədərcərimələrin ləğv edilməsini və ya azaldılmasını tələb edir. 2021-ci ildə Avropa Ədalət Məhkəməsi Ali Məhkəmənin intizam palatası ləğv edilənə qədər hər gün bir milyon avro cərimə tətbiq edib. Polşa ədliyyə nazirinin müavini Sebastyan Kaleta bu qərarı şantaj və Polşa konstitusiyasının pozulması adlandırıb. Lakin sonradan Polşa hakimiyyəti palatanın işini dayandırmağa razılıq verib.
