XİN iddialara cavab verdi - “Qərəzlidir!”
18 Noyabr 2024
Məşhur rejissor ABŞ prezidentinin öldürülməsi ilə bağlı sirləri açdı - Mərkəzi Kəşfiyyatın QALMAQALI VİDEO
21:58 - 20 Noyabr 2021
ABŞ prezidenti Con Kennedinin öldürülməsi ilə bağlı sənədli film çəkən rejissor Oliver Stoun bu siyasi qətlin MKİ tərəfindən ört-basdır edildiyi iddiasının doğru olduğunu bildirib.
Manşet.az Musavat.com xəbər verir ki, “Oskar” mükafatlı ABŞ rejissoru Oliver Stounun rejissoru olduğu “JFK Revisiting: Through Reflection” sənədli filmi noyabrın 12-də ölkəsində nümayiş etdirilib.
Stoun 1963-cü ildə ABŞ-ın keçmiş prezidenti Con Kennedinin (JFK) qətlindən bəhs edən sənədli filmlə bağlı təəccüblü açıqlamalar verib.
75 yaşlı rejissor 1991-ci ildə çəkdiyi “JFK” filmi ilə prezidentin qətlindəki şübhələrə diqqət çəkib. Daha sonra o, ABŞ rəsmilərini sui-qəsdlə bağlı 2029-cu ilə qədər məxfi qalmalı olan sənədləri mərhələli şəkildə yaymağa inandırıb. İndi isə yeni sənədli filmi ilə mövzunu gündəmə gətirən Stoun, MKİ-nin sui-qəsdlə bağlı həqiqəti gizlətdiyi iddiasının yalan deyil, fakt olduğunu bildirib.
Sənədli film üçün tarixçilərdən, kriminal ekspertlərdən və bu işdə iştirak edən şəxslərdən müsahibə alan rejissor, “Gündüz bütün dünyanın gözü qarşısında ABŞ prezidentini öldürəndə insanlar dərhal hiss etdilər ki, böyük dövlətlər iş başındadır”, – deyə açıqlama verib.
1963-cü ildə aparılan araşdırmada Kennedinin maşınını Texasda güllələyən kommunist simpatizanı Li Harvi Osvaldın sui-qəsdi təkbaşına həyata keçirdiyi açıqlanmışdı.
Ancaq həbs olunarkən qurban olduğunu və Kennedini öldürmədiyini deyən Osvald da sui-qəsddən iki gün sonra Cek Rubi tərəfindən öldürüldü.
Sənədli filmdə Kennediyə qarşı ölümündən əvvəl də buna bənzər uğursuz sui-qəsd planlarının olduğu və bu dəlillərin məhv edildiyi iddia edilir. Sui-qəsd qeydlərini nəzərdən keçirən hakim Con Tunheim də Oliver Stouna sübutların məxfi xidmətlər tərəfindən məhv edildiyinə inandığını söyləyib.
Digər xəbərlər
Xəbər xətti
18 Noyabr 2024
Ən son xəbərləri səhifəmizdən də izləyin