Davosda Gəncə ilə bağlı saziş imzalandı
22 Yanvar 2025
Qurbanov FCSB ilə oyundan danışdı - "Problemlərimiz var"
14:46 - 22 Yanvar 2025
"Pis hazırlaşmamışıq. Bəzi problemlərimiz var".
Manset.az xəbər verir ki, bunu "Qarabağ"ın baş məşqçisi Qurban Qurbanov Bakıda Rumıniya təmsilçisi FCSB-yə qarşı keçirəcəkləri UEFA Avropa Liqasının oyunundan əvvəl mətbuat konfransında deyib.
"Hansı komandaya qarşı oynayacağımızı bilirik. Rumıniya futbolu sərtliyi ilə seçilir. Hücumun qurulmasında hansısa xırda dəyişiklik ola bilər. Öz sistemimizi daha da yaxşılaşdırmağa çalışacağıq. Sabahkı matçda səhv etməməliyik. Rəqib bunu bağışlamayacaq. Bəzi məqamlara xüsusi diqqət ayırmalıyıq. FCSB göstərdiyi oyuna və məsuliyyətinə görə haqq etdiyi nəticələri qazana bilib. Bu rəqibə qarşı çox diqqətli oynamalıyıq. Hər oyundan öncə futbolçulara hakimlərlə bağlı məlumat verilir ki, daha ehtiyatlı olsunlar".
Qeyd edək ki, UEFA Avropa Liqasının Liqa mərhələsinin VII turunun "Qarabağ" - FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. Turnir cədvəlində Azərbaycan çempionu üç xalla 33-cü, FCSB 11 xalla 10-cu sıradadır.
Digər xəbərlər
Xəbər xətti
22 Yanvar 2025
Ən son xəbərləri səhifəmizdən də izləyin