Super Liqa nəhəngi "Qalatasaray" qış transfer pəncərəsində ilk transferini tamamlamağa yaxındır.
Manset.az bu barədə Ekol TV-yə istinadən xəbər verir.
Sarı-qırmızılılar "Eyüpspor"dan Əhməd Kutucunun transferini demək olar ki, tamamlayıb.
Əhməd Kutucunun transferi üçün "Eyüpspor"la "Qalatasaray" arasındakı ödəniş planının son detalları müzakirə edilir. Transferin 6 milyon avroya başa çatacağı gözlənilir.
24 yaşlı futbolçu bu mövsüm Super Liqada çıxdığı 18 oyunda 8 qol və 7 məhsuldar ötürmə ilə diqqət çəkib.
