Fərdi yaşayış evində partlayış olub -YARALILAR VAR - VİDEO+FOTO - YENİLƏNİB
17 Yanvar 2025
Bakıda yüksək sürətlə hərəkət edən avtomobil qəza törətdi - ANBAAN GÖRÜNTÜLƏR
16:08 - 17 Yanvar 2025
Ötən gün axşam saatlarında paytaxtın Ceyhun Hacıbəyli və Mirəsədulla Mirqasımov küçələrinin kəsişməsində yol-nəqliyyat hadisəsi baş verib.
Manset.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.
Bu zaman yolun hərəkəti hissəsindən keçən piyada qəzadan son anda xilas ola bilib. Hadisə zamanı kəsişmədə olan piyada svetoforu isə yararsız vəziyyətə düşüb. Digər bir yol-nəqliyyat hadisəsi Binəqədi şosesi ilə Mehdiabad yolunun kəsişməsində qeydə alınıb. Bu qəza nəticəsində nəqliyyat svetoforu sıradan çıxıb.
Təəssüflər olsun ki, bəzi sürücülərin qaydalara məhəl qoymaması, yüksək sürətlə nəqliyyat vasitəsini idarə etməsi və digər qayda pozuntularına yol vermələri səbəbindən qəzalar baş verir ki, bu səbəbdən də svetoforlar yararsız hala düşür və onların idarəetmə qurğusu zərər görür.
Yararsız vəziyyətə düşən svetoforların yenisi ilə əvəz edilməsinin bir neçə gün çəkdiyini nəzərə alsaq, təbii ki, bu problemdən sürücü və piyadalar özləri əziyyət çəkirlər. Buna görə də bir daha xahiş edirik ki, sürücülər, xüsusilə də yolayrıclarına daxil olduqda sürət həddinə və svetoforun tələblərinə ciddi riayət etsinlər.
Digər xəbərlər
Xəbər xətti
17 Yanvar 2025
Ən son xəbərləri səhifəmizdən də izləyin