Amerikanın İllinoys ştatında “Evdə tək” kult filminin malikanəsi satılıb.
Manset.az xarici mediaya istinadən xəbər verir ki, əmlak yeni sahibinə 5,5 milyon dollara (təxminən 9,35 milyon azn) başa gəlib.
Malikanə Uinnetka kəndində yerləşir. O, 2024-cü ilin may ayında satışa çıxarılmışdı, İlkin qiymət son qiymətdən aşağı olub və 5,25 milyon dollar təşkil edib.
Əvvəlki sahiblər əmlakı 2012-ci ildə 1,5 milyon dollara alıblar və sonradan əsaslı təmir işləri aparıblar. Onlar əmlakı genişləndirmişdilər, lakin məşhur filmdə göstərilən xarici görünüşü saxlamışdılar. İçəridə heç bir çəkiliş aparılmamışdı, çünki ev bütün çəkiliş qrupunu yerləşdirmək üçün çox kiçik olmuşdu. Evin içərisində beş yataq otağı, altı vanna otağı, ev kinoteatrı və idman meydançası var.
