Tibetdə baş verən zəlzələyə görə Everest dağının Landşaft Parkı müvəqqəti olaraq turistlər üçün bağlanıb.
Manset.az RİA "Novosti"yə istinadən xəbər verir ki, bu barədə Tibet Muxtar Rayonunun Tinqri bölgəsinin mədəniyyət və turizm departamenti məlumat yayıb.
“7 yanvar 2025-ci il tarixində səhər saat 9:05-də Şiqatse şəhərinin Tingri rayonunda baş vermiş 6,8 bal gücündə zəlzələ ilə əlaqədar turistlərin və işçilərin həyat və əmlakını qorumaq üçün Everest Landşaft Parkı 7 yanvar saat 10:00-dan etibarən bağlanacaq", – departamentin açıqlamasında deyilir.
Parkın açılışı barədə daha sonra məlumat veriləcək.
