Rusiyada fövqəlada vəziyyət elan edildi
27 Dekabr 2024
Böyük Britaniyanın səfirliyində bayraq yarıya qədər endirildi
14:13 - 26 Dekabr 2024
Qazaxıstanın Aktau şəhəri yaxınlığında AZAL-a məxsus sərnişin təyyarəsinin qəzaya uğraması nəticəsində həlak olanların xatirəsinə matəm elan olunması ilə əlaqədar Böyük Britaniyanın Azərbaycandakı səfirliyində bayraq yarıya qədər endirilib.
Manset.az xəbər verir ki, bu barədə səfirliyin "X" sosial şəbəkəsindəki səhifəsində məlumat verilib.
"Bu gün Azərbaycanda matəm gününə səmimi hörmət əlaməti olaraq və təyyarə qəzasında həlak olanların xatirəsinə Böyük Britaniyanın Bakıdakı səfirliyindəki bayraq yarıya qədər endirilib", - məlumatda qeyd olunub.
Xatırladaq ki, AZAL-a məxsus Bakı-Qroznı aviareysini həyata keçirən "Embraer” sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Qəza nəticəsində sərnişinlərin 38-i həlak olub, 3-ü uşaq olmaqla 29-u sağ qalıb.
Prezident İlham Əliyev çoxsaylı insan itkisindən sonra ölkə ərazisində bir günlük matəm elan olunması ilə bağlı sərəncam imzalayıb.
Digər xəbərlər
Xəbər xətti
Ən son xəbərləri səhifəmizdən də izləyin