NATO-nun baş katibi Mark Rutte müdafiə xərclərinin artırılması, müdafiə sənayesinin gücləndirilməsi və istehsalın genişləndirilməsinin zəruriliyindən danışıb.
Manset.az bu barədə TASS-a istinadən xəbər verir.
O qeyd edib ki, Şimali Atlantika Alyansı hələ uzunmüddətli perspektivdə özünü qorumaq üçün kifayət qədər hərbi məhsul istehsal etmir.
"Müdafiə xərclərini artırmasaq, 4-5 ildən sonra ciddi problemlər yaşayacağıq", - Rutte bildirib.
Eyni zamanda o qeyd edib ki, Rusiyanın hazırda NATO ölkələrinin ərazisinə hücum etmək ehtimalı azdır.
"İndi qorxmaq lazım deyil, amma uzunmüddətli perspektivdə mən narahatam", - baş katib əlavə edib.
