"WhatsApp" qrup söhbətləri ilə bağlı yeni funksiyanı test edir.
Manset.az xəbər verir ki, bu yenilik qrupda onlayn olan istifadəçiləri göstərməyə yönəlib. Məlumata görə, "WhatsApp" tətbiqinin beta versiyasında qrup söhbətləri üçün onlayn sayğac xüsusiyyəti aktivləşdirilib.
Bu sayğac, qrupun yuxarı hissəsində istifadəçilərə neçə nəfərin "WhatsApp" tətbiqini açıq və onlayn vəziyyətdə olduğunu göstərəcək. Beləliklə, istifadəçilər qrupda neçə nəfərin aktiv olduğunu rahatlıqla izləyə biləcəklər. Lakin bu sayğac yalnız "WhatsApp"ını açıq saxlayan və internetə qoşulmuş istifadəçiləri əks etdirəcək.
Bununla yanaşı, məxfilik parametrləri vasitəsilə onlayn statusunu gizlədən istifadəçilər bu siyahıya daxil edilməyəcək.
