İtaliya məhkəməsi Almaniyanın İkinci Dünya Müharibəsi zamanı İtaliyanın Pietransieri kəndində nasist qırğınında həlak olanların yaxınlarına əlavə 4 milyon avro təzminat ödəməsi barədə qərar çıxarıb.
Manset.az bu barədə xarici mediaya istinadən xəbər verir.
Məhkəmə Almaniyanın qırğında yaxınlarını itirən daha 30 nəfərə 4 milyon avro təzminat ödəməsi barədə qərar çıxarıb.
Əvvəlki qərarda açıqlanan təzminatla ödəniləcək ümumi məbləğ 15 milyon avroya çatacaq.
Daha öncə bildirilmişdi ki , Avropa İttifaqı (Aİ) tərəfindən verilən Covid-19-dan sonrakı bərpa fondunda “nasist cinayətləri” üçün ayrılan hissədən Almaniya tərəfindən yaxın aylarda İtaliyaya təzminat ödəniləcək.
