Sağlam qalmaq istəyirsinizsə, hər gün yeyin Manset.az

Sağlam qalmaq istəyirsinizsə, hər gün yeyin

07:30 - 7 Dekabr 2024

Payız mövsümü bədənimizin təbii olaraq immunitetə və enerji mənbələrinə daha çox ehtiyac duyduğu bir dövrdür. Bu mövsümdə təzə göyərti yeməyin sağlamlıq baxımından bir çox faydası var. Göyərtilər tərkibindəki vitaminlər, minerallar və antioksidantlarla orqanizmimizi dəstəkləyərək həm qışa hazırlayır, həm də sağlam qidalanmanı təmin edir.

Manset.az Yenisabah.az-a istinadən payızda göyərti yeməyin faydalarını təqdim edir:

İmmuniteti gücləndirir

Payızda hava dəyişiklikləri xəstəliklərin artmasına səbəb ola bilər. Tərkibində C, E və A vitaminləri ilə zəngin olan ispanaq, cəfəri və şüyüd kimi göyərtilər bədənin müdafiə mexanizmini gücləndirir. Xüsusilə C vitamini, orqanizmi soyuqdəymə və qripdən qoruyur.

Dəri sağlamlığını qoruyur

Payızın quru havası dərinin nəmliyini itirməsinə səbəb ola bilər. Göyərtilərdə olan beta-karoten və antioksidantlar dərini qoruyur, qocalma prosesini ləngidir və daha sağlam görünüş bəxş edir.

Həzm sisteminə yardımçı olur

Göyərtilərdəki liflər həzm sistemini tənzimləyir, bağırsaq fəaliyyətini yaxşılaşdırır və qəbizlik problemlərinin qarşısını alır. Xüsusilə vəzəri və ispanaq kimi göyərtilər həzmi asanlaşdırır və mədə-bağırsaq sisteminə müsbət təsir edir.

Enerji verir və yorğunluğu azaldır

Payızda yaranan mövsümi yorğunluq hissini azaltmaq üçün göyərti ideal qidadır. Fol turşusu, maqnezium və dəmir kimi minerallarla zəngin olan göyərtilər bədənə enerji verir, qan dövranını yaxşılaşdırır və əhval-ruhiyyəni yüksəldir.

Arıqlamağa yardım edir

Göyərtilər az kalorili, lakin qidalı olduqları üçün arıqlamaq istəyənlər üçün mükəmməl seçimdir. Eyni zamanda, yüksək su tərkibi bədəni nəmli saxlayır və toxluq hissini artırır.

Xroniki xəstəliklərin qarşısını alır

Göyərtilərdəki antioksidantlar orqanizmi sərbəst radikalların zərərli təsirlərindən qoruyur. Bu, ürək-damar xəstəlikləri, şəkərli diabet və bəzi xərçəng növlərinin

riskini azaldır.

Payızda hansı göyərtilər yeyilməlidir?

Payızda xüsusilə cəfəri, keşniş, şüyüd, ispanaq,vəzəri və turp yarpağı kimi göyərtilər mövsüm üçün ideal seçimdir. Bu göyərtiləri çiy şəkildə salatlarda, yaxud bişmiş şəkildə yeməklərdə istifadə etmək olar. Amma göyərtiləri çiy halda yemək orqanizm üçün daha faydalıdır.