ABŞ ordusunun 2026-cı ilin yazında yeni nəsil F-35A döyüş təyyarələrini Yaponiyaya yerləşdirəcəyi bildirilir.
Manset.az bu barədə xarici mediaya istinadən xəbər verir.
Çinin Hind-Sakit okean regionunda artan nüfuzu qarşısında ABŞ Şərqi Asiya müttəfiqi Yaponiyanın hərbi aktivlərini modernləşdirir.
Məlumata görə, hərbi aviasiya vasitələrinin yerləşdirilməsi çərçivəsində aviabazada dəstək qurğuları da yenilənəcək.
Qeyd edək ki, radardan yayınma da daxil olmaqla gizli konfiqurasiyalara malik olan yeni nəsil F-35A-lar ballistik raketləri aşkarlaya bilən yüksək performanslı radar sisteminə malikdir.
