Bu gün Kəlbəcər Şəhəri Günüdür
25 Noyabr 2024
"Əsas məqsədimiz COP-da verilən vədləri yerinə yetirmək olacaq" - Pakistan naziri
18:30 - 11 Noyabr 2024
"Biz görürük ki, inkişaf etmiş ölkələr COP tədbirləri çərçivəsində çoxsaylı vədlər versə də, bunu həyata keçirmirlər. Bizim əsas məqsədimiz bu vədlərin yerinə yetirilməsi olacaq".
Manset.az xəbər verir ki, bunu APA-ya açıqlamasında Pakistanın iqlim naziri Romina Xurşid Aləm deyib.
Nazir bildirib ki, Pakistanın COP-29 çərçivəsində bir deyil, bir neçə missiyası var: "Bunlardan biri də maliyyəyə çıxışın əldə edilməsidir. Həmçinin yeni enerji növləri ilə bağlı danışıqlar olmasını da gözləyirik. Təbii ki, biz pavilyonlarımızda və pavilyonda keçirilən sərgimizdə yüksək səviyyəli dialoqlar təşkil edəcəyik. Bu dialoqlarda iqlim dəyişikliyindən əziyyət çəkən digər ölkələrlə də danışıqlar aparmağı düşünürük. Biz burada həm beynəlxalq, həm ikitərəfli, həm də çoxtərəfli görüşlər aparacağıq. Bu görüşlərin əsas məqsədi iqlim dəyişikliyinin yaratdığı problemləri aradan qaldırmaq olacaq. Biz ümid edirik ki, COP çərçivəsində biz buna nail olacağıq. Maliyyə baxımından bizim əsas məqsədimiz odur ki, danışıqlar zamanı deyilən sözlərin həyata keçirilməsinə nail olaq. Vədlərin həyata keçirilməsi bu COP-un əsas uğurlu tərəfi ola bilər. Biz görürük ki, inkişaf etmiş dövlətlər COP çərçivəsində çoxsaylı vədlər verir, lakin bu vədləri həyata keçirmirlər”.
Digər xəbərlər
Xəbər xətti
25 Noyabr 2024
Ən son xəbərləri səhifəmizdən də izləyin