"Bu ərazidə partlayış səsi eşidə bilərsiniz" - MN məlumat yaydı
15 Yanvar 2025
Teleqramın yaradıcısı Pavel Durov Fransada SAXLANILDI
01:53 - 25 Avqust 2024
Teleqramın rəhbəri Pavel Durov Azərbaycandan qayıdarkən “Le Burje” hava limanında Fransa xüsusi xidmət orqanları tərəfindən saxlanılıb.
Manset.az Globalinfo.az-a istinadən xəbər verir ki, məlumatı “TF-1” televiziyası yayıb.
Bildirilir ki, onun saxlanılmasına səbəb Fransa xüsusi xidmət orqanları ilə əməkdaşlıqdan imtina etməsi olub.
Televiziya iddia edir ki, Durov terrorizm, narkotrafik, pedofiliyaya aid kontentin yayılması, çirkli pulların yuyulmasında ittiham ediləcək. İttihamlar təsdiqlənərsə, onu 20 il həbs cəzası gözləyir.
Durovu Azərbaycandan qayıdarkən mühafizəçiləri və bir qadının müşayiət etdiyi bildirilib.
“RussianNews”-da dərc edilən məqalədə iddia olunur ki, Durovun həbsi onun Bakı səfəri və Putinlə mümkün görüşü ilə bağlıdır. Məqalədə bildirilir ki, bu, Qərb üçün bardağı daşıran son damla olub.
Amma Durovun Bakıda Putinlə görüş cəhdinin baş tutmaması haqda iki gün öncə mediada məlumat yayılmışdı.
Digər xəbərlər
Xəbər xətti
15 Yanvar 2025
Ən son xəbərləri səhifəmizdən də izləyin