Yığmamız son oyununda böyük hesabla məğlub oldu
20 Noyabr 2024
Əhaliyə üçüncü doza ilə bağlı VACİB AÇIQLAMA
11:01 - 28 Oktyabr 2021
Davamlı qoruyuculuq üçün "buster" (gücləndirici) doza vacibdir.
Manset.az xəbər verir ki, bunu Trend-ə açıqlamasında həkim-infeksionist Nigar Əliyeva deyib. O bildirib ki, bunun heç bir yan təsiri yoxdur:
"Koronavirusa qarşı vaksinlərin yan təsiri adətən birinci dozadan sonra olur. İlk dozadan sonra yan təsir olmadığı halda, sonrakı dozalarda da olma ehtimalı azdır. Davamlı qoruyuculuq üçün buster (gücləndirici) dozanın tətbiqi önəmlidir.
Bu, ikinci dozadan 6 ay sonra vurulur. Çünki zaman keçdikcə vaksinin effektivliyi azalır. Bədənin koronavirusa qarşı müqavimətini davam etdirməsi üçün üçüncü dozanın tətbiqi tövsiyə olunur".
Qeyd edək ki, aparılan tədqiqatlar nəticəsində buster dozanın immuniteti 5-10 dəfə gücləndirdiyi sübuta yetirilib.
Səhiyyə Nazirliyi də hər iki doza vaksin qəbul etmiş risk qrupuna aid olan şəxsləri, xroniki xəstəlikləri olanları, bütün tibb işçilərini və yaşı 60-dan yuxarı olan şəxsləri üçüncü dozanı qəbul etməyə çağırıb.
Pandemiyanın davam etdiyini, yeni subvariantların yarandığını və mövsümlə əlaqədar xəstəliklərin daha geniş vüsət aldığını nəzərə alaraq bütün dünyada buster dozanın önəmi vurğulanır. Artıq dünyanın bir sıra qabaqcıl ölkələrində üçüncü dozanın tətbiqi genişləndirilib.
Digər xəbərlər
Xəbər xətti
20 Noyabr 2024
Ən son xəbərləri səhifəmizdən də izləyin