"Ola bilsin ki, bəzi nöqsanlara yol verilib" - Bakı merindən ETİRAF
22 Oktyabr 2024
Bakının 3 rayonunda qaz olmayacaq
09:51 - 14 İyun 2024
Bu gün saat 10:00-dən etibarən Xaçmaz rayonu Xudat şəhərinin və paytaxtın Nizami, Səbail və Xətai rayonlarının qaz təchizatı müvəqqəti dayandırılacaq.
Manset.az xəbər verir ki, bu barədə SOCAR “Azəriqaz” İstehsalat Birliyi məlumat yayıb.
Məlumata görə, “Xudat” qaz paylayıcı stansiyanın (QPS) “Qaz İxrac” İdarəsinə məxsus texnoloji hissəsində görüləcək təmir işləri ilə əlaqədar iyunun 14-də saat 10:00-dan 17:00-dək “Xudat” QPS-dən qidalanan “Xudat” ölçü qovşağından qaz təchizatının dayandırılması planlaşdırılır.
Təmir işləri görülən müddətdə Xaçmaz rayonunun (Xudat şəhəri, rayonun 30 kəndi) bir hissəsinin qaz təchizatının məhdudlaşdırılması, işlər başa çatdıqdan sonra qaz təchizatının bərpası planlaşdırılır.
Həmçinin bu gün paytaxtın Nizami, Səbail və Xətai rayonları ərazisində görüləcək təmir işləri ilə əlaqədar saat 10:00-dən etibarən qaz təchizatı dayandırılacaq.
Qaz təchizatı dayandırılan müddətdə Nizami rayonu üzrə Qara Qarayev, Naxçıvanski, Bəhruz Nuriyev, Babək və İlham Məmmədov küçələrinin Səbail rayonu üzrə Bayıl qəsəbəsinin Buxta küçəsinin, Xətai rayonu üzrə isə Oksigen, Q.Məmmədov, Zığ yolu, Sadıqcan, Cavanşir, R.Quluyev, Kombinant küçələrinin qaz təchizatında müvəqqəti fasilə yaranacaq.
Digər xəbərlər
Xəbər xətti
22 Oktyabr 2024
Ən son xəbərləri səhifəmizdən də izləyin