Çexiyanın Pardubitse şəhərində Ukraynaya gedən və içərisində 300-dən çox adamın olduğu sərnişin qatarı yük qatarına çırpılıb. Qəza nəticəsində 4 nəfərin öldüyü, ən azı 26 nəfərin yaralandığı açıqlanıb.
Yerli fövqəladə hallar sözçüsü Alena Kisiala Çexiya telekanalına "Dörd nəfərin ağır yaralandığını təsdiq edə bilərəm", - deyə bildirib.
Çexiya televiziyası qatarda əksəriyyəti əcnəbi olmaqla 300-dən çox sərnişinin olduğunu bildirib.
Baş nazir Petr Fiala X sosial media platformasında başsağlığı verib və qəzanın "böyük fəlakət" olduğunu bildirib.
Qəza ilə bağlı araşdırmalar davam edir.
Əfsanə Rəcəb
Manşet.az
