Azərbaycan təmsilçiləri Paris-2024-ü neçə medalla başa vurdular?
8 Sentyabr 2024
14:56 - 16 May 2024
Cəzaçəkmə müəssisəsində iki məhkum arasındakı dava birinin ağır xəsarət alması ilə sonlanıb.
Manset.az “Qafqazinfo”ya istinadən xəbər verir ki, hadisə ötən il Qaradağ rayonu ərazisində yerləşən “zon”ların birində baş verib.
İstintaq materiallarına əsasən, əlbəyaxa dava uzun illərdir həbsdə olan Azər Şaliyev və Şəhriyar Baxışəliyev arasında olub.
Bu iş üzrə təqsirləndirilən şəxs isə Şaliyevdir. O, Baxışəliyevlə eyni yataqxanada saxlanılıb, bir-birilərini tanıyıblar. Günlərin birində onların arasında mübahisə yaranıb.
Hadisəyə səbəb isə məhkum Baxşəliyevin Şaliyevin dolabında saxladığı şəxsi kitabçaya icazəsiz baxması olub. Şaliyev məhkum yoldaşını öldürmək məqsədilə boğaz nahiyəsini arxa tərəfdən ülgüclə kəsib. Baxşəliyev yaralı halda xəstəxanaya yerləşdirilib.
Bu əməlinə görə həmin şəxsə Cinayət Məcəlləsinin 29 120.2.2-ci (xuliqanlıq niyyəti ilə qəsdən adam öldürməyə cəhd) maddəsi ilə cinayət işi başlanıb.
Hazırda iş Bakı Ağır Cinayətlər Məhkəməsində hakim Faiq Qəniyevin sədrliyi ilə araşdırılır.
Qeyd edək ki, Şaliyev 10 il əvvəl quldurluq, xuliqanlıq və narkotik dövriyyəsində təqsirli bilinərək 13 il azadlıqdan məhrum edilib. Onun əvvəlki cəzasının bitməsinə cəmi 3 il qalmışdı. Bu maddə ilə təqsirli bilinərsə, ömrünün daha bir neçə ilini həbsdə keçirməli olacaq.
Zərərçəkmiş Şəhriyar Baxışəliyev də təxminən 10 il əvvəl qəsdən adam öldürdüyünə görə 13 il azadlıqdan məhrum edilib.
Digər xəbərlər
Xəbər xətti
Ən son xəbərləri səhifəmizdən də izləyin